Welkom by die

Afrikaanse Taal & Kultuur Bond (ATKB)

Die Afrikaanse Taal en Kultuur Bond Namibia (ATKB) is ‘n inklusiewe organisasie wat fokus op die bevordering van die Afrikaanse taal en kultuur in Namibië. Ons streef daarna om deur gemeenskapsprojekte en innoverende besigheidsinisiatiewe ‘n positiewe en volhoubare impak te maak.

ATKB logo Chosen2-02-02

Waarvoor staan ons?

Ons missie is om aktief en volhoubaar in te speel op die behoeftes van die Afrikaanssprekende gemeenskappe in Namibië, en terselfdertyd samewerking te bevorder met die breër Namibiese en internasionale gemeenskappe.

Ons visie is om Afrikaanse taal, kultuur, kennis en kreatiwiteit ‘n integrale deel te maak van nasiebou, versoening en ‘n voorspoedige Namibië.

Verantwoordelikheid en Aanspreeklikheid

Ons neem verantwoordelikheid vir ons dade en is aanspreeklik teenoor ons gemeenskap.

Billikheid en Gelykheid

Ons streef na regverdige behandeling en die bevordering van gelykheid vir almal.

Respek en Menswaardigheid

Ons eer en respekteer elke individu se menswaardigheid, ongeag hulle agtergrond.

Deursigtigheid

Ons optrede en besluite word met volle openheid en integriteit uitgevoer.

- Ons Stappe na Vooruitgang -

Taalbevordering

Ons bou aan die toekoms van die Afrikaanse taal deur projekte en inisiatiewe wat taalontwikkeling en taalgeletterdheid stimuleer.

Kultuurtuiste

Ons bied ‘n ruimte waar Afrikaanse kultuur gevier en bewaar word, en die diversiteit van die gemeenskap erken word.

Volhoubare Ekonomie

Ons implementeer besigheidspraktyke wat nie net winsgewend is nie, maar ook die gemeenskap dien, sodat sosiale en ekonomiese groei bevorder word.

Netwerkontwikkeling

Ons versterk ons verhoudings deur sterk netwerke te bou met ander organisasies en individue, beide binne Namibië en oor grense heen.

Inklusiwiteit

Ons bevorder gelykheid en respek binne die gemeenskap, en verseker dat ons inisiatiewe inklusief en omvattend is.

Kontak ons

Ons by die Afrikaanse Taal en Kultuur Bond Namibia (ATKB) waardeer jou belangstelling en is gereed om enige navrae te beantwoord of verdere inligting te verskaf oor ons projekte en geleenthede.

E-pos Adres

kantoor@atkbnam.com

Posadres

Posbus 1357

Windhoek, Namibia

Gebruik gerus die kontakvorm hieronder om jou boodskap direk aan ons te stuur. Ons sal so gou moontlik terugvoer gee.

Invalid Email
Invalid Number

- ATKB duine-oord -

Beleef 'n ontspannende vakansie by Duine-Oord, 'n trotse inisiatief van ATKB, in die kusdorpie Swakopmund.

Ons 7 volledig toegeruste eenhede bied alles wat jy nodig het – van ‘n binnebraaigerief tot DSTV en veilige parkering. Met gemaklike slaapkamers, 'n volledige kombuis, en naby aan die strand, is dit ideaal vir jou en jou gesin.

Wat nog meer, ontvang afslag wanneer jy aansluit as n ATKB lidmaat.

Ontdek meer oor ons geriewe en besprekings op ons webwerf!

© 2025 ATKB. Alle regte voorbehou. Webtuiste ontwerp en gebord deur Alementom Creative Innovations cc